काठमाडौं । आउँदो नोभेम्बर २० देखि कतारमा आयोजना हुने फिफा विश्वकप फुटबलका लागि पोर्चुगलले टिम घोषणा गरेको छ ।
पोर्चुगलले क्रिस्टियानो रोनाल्डोलाई समेट्दै बिहीबार विश्वकपका लागि २६ सदस्सीय टोलीको घोषणा गरेको हो ।
रोनाल्डोले पाँचौं पटक विश्वकप खेल्ने भएका हुन् । विश्वकपमा पोर्चुगल समूह ‘एच’ मा रहेको छ । पोर्चुगलले नोभेम्बर २४ मा घानाविरुद्ध खेल्दै विश्वकपको सुरुवात गर्नेछ । पोर्चुगलको समूहमा यी दुई टोलीसहित उरुग्वे र दक्षिण कोरिया छन् ।
