काठमाडौं । नेकपा एमालेका अध्यक्ष केपी शर्मा ओलीले एमालेले जहाँ टेक्यो त्यहाँ विकास हुने बताएका छन् । झापाको चुनावी कार्यक्रमलाई सम्बोधन गर्दै उनले एमालेले देशमा विकासको लहर ल्याएको दाबी गरेका छन् ।
अध्यक्ष ओलीले एमाले सरकारले गरेका अपूरा काम पूरा गर्न फेरि पनि मंसिर ४ पछि एमाले सरकारमा आउनै पर्ने बताए ।
उनले भने, ‘एमालेले जहाँ टेक्यो त्यहाँ विकास भएको छ । हामीले त्यो कुरा घोषणापत्रमा सबै लेखेका छौँ । मुख्य/मुख्य सबै कुरा लेखेका छौँ । सबै समेट्न सकेका छैनौँ । पृथ्वीनारायण शाहको नेतृत्वमा एकीकरण भएको होला । महेन्द्रको पालामा पूर्व-पश्चिम राजमार्ग बने होलान् । तर, आधुनिक जमानामा देखाउन लायक काम एमालेले नै गरेको छ ।’
