एजेन्सी । बलिउडका ‘बादशाह’ शाहरुख खानले नोभेम्बर २ मा आफ्नो ५७ औं जन्मदिन मनाएका थिए । यस अवसरमा शाहरुख दुई पटक ‘मन्नत’को बालकनीबाट बाहिर आएका थिए । फ्यानका लागि त्यो दृश्य सपनाभन्दा कम थिएन ।
यसबाहेक, जन्मदिनको अवसरमा शाहरुखले आफ्ना वफादार फ्यानहरूका लागि फ्यान मिट राखे, उनले आफ्नो जन्मदिनको अवसरमा यस्तो समारोह आयोजना गर्दै आएका छन् ।
यस भेटमा शाहरुख एकदमै फरक अवतारमा पुगेका थिए । कार्यक्रममा शाहरुखले ज्याकेट, सेतो डेनिम र सेतो टी–शर्ट लगाएका थिए । हालै खबर आइरहेको छ कि किंग खानले यस फ्यान मीटमा ९७ लाख (भारु) को आउटफिट लगाएका छन् ।
नोभेम्बर २ मा भएको फ्यान मिटमा किङ खानले गिभेन्ची ब्रान्डको ज्याकेट लगाएका थिए जसको मूल्य करिब १ लाख ६३ हजार ५५५ रुपैयाँ रहेको थियो ।
अर्कोतर्फ, शाहरुखले अफ ह्वाइट ब्रान्डको जिन्स लगाएका थिए, जसको मूल्य लगभग ६५,१७१ रुपैयाँ थियो । एसआरकेले लुकसहितको आइवान ब्राण्डको सनग्लास भिरेका थिए जसको मूल्य ४५,०९० रुपैयाँ छ । किंग खानको यो लुकमा सबैभन्दा महँगो कुरा उनको रोलेक्स घडी थियो, यो घडीको मूल्य करिब ७४ लाख १८ हजार रुपैयाँ रहेको छ ।
यसबाहेक किङ खानसँग यसअघि ३ वटा ब्रेसलेट थिए जसमध्ये २ वटा कार्टियर ब्राण्डका थिए । एउटा ब्रेसलेटको मूल्य ६,२१,४२१ रुपैयाँ थियो भने अर्को ब्रेसलेटको मूल्य ६ लाख रुपैयाँ थियो । तेस्रो ब्रेसलेट लुइसभ्युटन ब्राण्डको थियो जसको मूल्य रु ७,५३,२३९ रहेको छ ।
जुत्ताको कुरा गर्दा, किङ खानले यस लुकका लागि गोल्डेन गुज ब्राण्डका स्नीकर्स लगाएका थिए, जसको मूल्य करिब ७९,५२३ रुपैयाँ छ । यी सबै कुराहरू सहित शाहरुखको यो लुक करिब ९७ लाखको लागतमा पूरा भएको हो ।
