धनगढी । कैलालीमा बसबाट खसेर सोहि बस मालिकको मृत्यु भएको छ ।
कैलालीको टीकापुर नगरपालिका–१ खड्गचोकमा टीकापुरबाट धनगढीतर्फ जाँदै गरेको ना ५ ख ५८७२ नम्बरको बसले यात्रु चढाउने क्रममा ढोकाबाट खसेर लम्की चुहा नगरपालिका–१ का ४० वर्षका विष्णु देवकोटाको मृत्यु भएको प्रहरीले जनाएको छ । मृत्यु भएका देवकोटा सोहि बसका मालिक हुन् ।
मृतक देवकोटा खड्गचोकमा यात्रु चढाउन रोक्ने क्रममा बसको ढोकाबाट खसेका थिए, र लगत्तै उनको पछाडीको चक्कामा च्यापिएर मृत्यु भएको इलाका प्रहरी कार्यालय टीकापुरले जनाएको छ । शव परीक्षणका लागि टीकापुर अस्पतालमा राखिएको छ ।
