काठमाडौँ । नेकपा (एमाले) का अध्यक्ष केपी शर्मा ओलीले नेपालको एक इन्च भूमि पनि अर्कालाई नछाड्ने बताउनुभएको छ ।
दार्चुलामा एमालेको चुनावी सभामा उहाँले आफ्नो अतिक्रमित भूमि फिर्ता लिएरै छाड्ने दृढता व्यक्त गर्नुभयो ।राष्ट्रियतको प्रश्नमा एक इन्च जमिन पनि नछाडिने भन्दै अध्यक्ष ओलीले संसदबाट नक्सा जारी गरिसकेकाले अतिक्रमित भूमि फिर्ता लिएरै छाड्ने बताउनुभयो ।
उहाँले भन्नुभयो “आज दार्चुलाबाट हामीले चुनावको विशेष अभियान थालेका छौं । दार्चुलाको खलंगामा उभिएर म दुईवटा कुरा ग्यारेन्टी गर्न चाहन्छु– पछाडि परेको क्षेत्रलाई हामी विकासको मूलधारमा ल्याउँछौं । राष्ट्रियताको प्रश्नमा नेपालले आफ्नो एक इन्च पनि जमिन कसैलाई मिच्न दिनेवाला छैन, मिचिएको जमिन पनि फिर्ता ल्याउँछ।”
