काठमाडौं । पूर्वमिस अर्जेन्टिना र पूर्वमिस पुएर्तो रिकोले विवाह गरेको घोषणा गरेका छन् । उनीहरुले इन्स्टाग्राममार्फत विवाहको सार्वजनिक घोषणा गरेका हुन् ।
मारियाना भरेला र फाबिओला भ्यालेन्टिन सन् २०२० मा थाइल्याण्डमा भएको मिस ग्राण्ड इन्टरनेसनलमा अर्जेन्टिना र पुएर्तो रिकोको प्रतिनिधित्व गरेका थिए ।
उक्त सौन्दर्य प्रतियोगिताको अन्तिम १० मा स्थान बनाएका उनीहरु सामाजिक सञ्जालमा नजिकका साथीहरू बनेका थिए। त्यसयता फ्यानलाई थाहा नदिइकन उनीहरुले गोप्य रुपमा डेटिङ पनि गरिरहेका थिए ।
जहाँ उनीहरुले गत अक्टोबर २८ मा विवाह गरेका हुन् । पुएर्तो रिको सहरको अदालत बाहिर उभिएर खिचेको तस्बिर इन्स्टाग्राममा राख्दै ‘हाम्रो सम्बन्धलाई गोप्य राख्दै हामीले विशेष दिनका लागि ढोका खुला गरेका छौं,’ क्यापसन सहित फोटो पोस्ट गरेका थिए ।
फ्यान, सेलिब्रिटीहरु र पेजेन्टका अन्य प्रतिस्पर्धीले यो आकर्षक तस्वीर र घोषणाको लागि उनीहरुलाई बधाई दिएका छन् ।
