काठमाडौँ । नेकपा एमालेका अध्यक्ष केपी शर्मा ओलीले प्रतिनिधि सभा विघटन बाध्यात्मक भएको टीप्पणी गरेका छन् ।
मंगलबार नेकपा एमालेले राखेको घोषणा पत्र सार्वजनिक कार्यक्रममा बोल्दै अध्यक्ष ओलीले एमालेभित्र विगतमा अराजक तत्व रहेको भन्दै बाध्यात्मक अवस्थामा प्रतिनिधि सभा विघटन गरेको बताएका हुन् ।
संसद विघटन हुनु र दुई तिहाइको सरकार ढल्नुको कारण नेकपा माओवादी केन्द्रका अध्यक्ष पुष्पकमल दाहाल प्रचण्ड र नेकपा एकीकृत समाजावादीका अध्यष माधवकुमार नेपाललाई दोष दिँदै ओलीले आफूलाई सडकबाट नेकपाको साधरण सदस्यबाट समेत निस्कासन गरिएको बताए ।
उनले सडकबाट समेत अराजक गतिविधि हुन थालेपछि प्रतिनिधि सभा विघटन गरेर नयाँ निर्वाचन घोषणा गर्नु पर्ने बाध्यात्मक परिस्थिति निर्माण भएको पनि बताए ।
सर्वोच्चको आदेशबाट देउवा नेतृत्व सरकार बन्नु अराजक र अलोकतान्त्रिक भएको ओलीको भनाई छ ।
