काठमाडौँ । राष्ट्रपति विद्यादेवी भण्डारीले आज अपराह्न गुह्येश्वरीमा तयार पारिएको छठ माताको दर्शन गर्दै पूजाआजा गर्नुहुने कार्यक्रम छ । अपराह्न ४ बजे राष्ट्रपति भण्डारी गुह्येश्वरी पुगी छठमाताको पूजा गर्नुहुने बताइएको छ ।
त्यस्तै आजै अपराह्न ५ बजे कमलपोखरीमा निर्माण गरिएको छठ घाटमा पुगी उहाँले अस्ताउँदो सूर्यलाई अर्घ्य दिई छठीमाताको पूजा आराधना गर्ने कार्यक्रम छ ।
