काठमाडौँ । नेकपा (माओवादी केन्द्र)का अध्यक्ष पुष्पकमल दाहाल ‘प्रचण्ड’ पत्नी सीता दाहाल अस्पताल भर्ना भएकी छन् ।
नियमित स्वास्थ्य परीक्षणका क्रममा ललितपुरको मेडिसिटी अस्पतालमा उनलाई भर्ना गरिएको हो ।
प्रोगेसिभ सप्रान्युक्लियर पाल्सी’ (पिएसपी) रोगबाट पीडित दाहाललाई आज अस्पतालमै राखिने अस्पताल स्रोतले जनाएको छ ।
पिएसपी दुर्लभ खालको रोग हो भने यसप्रकारको रोग एक लाख मानिसमध्ये ५–६ जनामा मात्र देखिन्छ । यस्तै यो रोगको कारण अहिलेसम्म पनि पत्ता लाग्न सकेको छैन ।
