एजेन्सी । टी–२० विश्वकप छनोट प्रतियोगिता जारी छ । बुधबार भएको पहिलो खेलमा आयरल्याण्डले स्कटल्याण्डलाई ६ विकेटले पराजित गरेको छ । यस जितमा कर्टिस क्याम्पर र जर्ज डकरेलले अविजित १९९ रनको महत्वपूर्ण साझेदारी गरे ।
यो जितसँगै आयरल्याण्डले सुपर १२ मा प्रवेश गर्ने आफ्नो आशा जीवित राखेको छ । टोलीले अक्टोबर २१ मा वेस्ट इन्डिजसँग खेल्ने छ । दुवैले एक एक खेलमा हार बेहोरेका छन् ।
अष्ट्रेलियाको होबर्टमा स्कटल्यान्डले टस जितेर पहिले ब्याटिङ गर्दै १७६ रनको चुनौतीपूर्ण रन बनाएको थियो । उसका लागि माइकल जोन्सले ६ चौका र ४ छक्का प्रहार गर्दै अर्धशतकीय इनिङ खेले । उनले १५६.३६ को स्ट्राइक रेटमा ८६ रन बनाए । कप्तान रिची बेरिङटनको ब्याटबाट ३७ रन बनेको थियो । जबकि म्याथ्यु क्रसले २८ रन जोडे ।
कर्टिस क्याम्परले दुई विकेट लिए । मार्क एडेयर र जोशुआ लिटिलले एक–एक विकेट लिए । १७७ रनको लक्ष्य पछ्याएको आयरल्यान्डले ६ बल बाँकी रहँदा पुरा गरेको थियो । उसका लागि कर्टिस क्याम्परले ७२ र जर्ज डकरेलले ३९ रन बनाए । स्कटल्याण्डका लागि वाट, ह्वील र सरिफले एक–एक विकेट लिए ।
