काठमाडौं । र्यापर समिर घिसिङ आका भिटेन सामाजिक सञ्जालबाट एक्कासि गायब भएका छन् ।
भिटेनले मंगलबार रातिदेखि आफ्नो आधिकारिक युट्युब च्यानल ‘भिटेन म्युजिक’बाट एउटा बाहेक सबै गीत हटाएका छन् । उनले १३ दिनअघि रिलिज भएको ‘आफ्नै बाटो’ बोलको गीत बाहेक अरु सबै गीतहरु युट्युबबाट हटाइएका छन् ।
यति मात्र होइन, भिटेनले इन्स्टाग्रामबाट पनि दुईवटा बाहेक सबै तस्वीर डिलेट गरेका छन् । उनको फेसबुक पेज पनि निष्क्रिय गरेका छन् ।
गत साता मात्रै जापान भएको कन्सर्टमा भिटेनको स्थितिलाई लिएर उनका फ्यान चिन्तितमा रहेका छन् । साथै उनले एक इन्स्टाग्राम लाइभमा गरेका रोईकराई र पागलपनलाई लिएर समेत थप चिन्ता बढेको थियो ।
सामाजिक सञ्जालमा भिटेनका फ्यानले मानसिक स्वास्थ्यको ख्याल गर्न सुझाएका थिए । फेरी फ्यानलाई चिन्ता थप्ने गरी भिटेन सामाजिक सञ्जालबाट गायब भएका छन् ।
भिटेनको मस्तिष्कमा के कुरा चलिरहेको छ भन्ने कुरा उनी आफैं बाहेक अरु कसैलाई थाहा छैन । तर जे चलिरहेको छ ठिकठाक चलिरहेको छैन । मुडी स्वभावका भिटेनको यस्तो हर्कतले फ्यानलाई थप चिन्तित बनाएको छ ।
