काठमाडौं । असोज १९ देखि २४ गतेसम्म परेको अविरल वर्षाका कारण आएको बाढीले तिला गाउँपालिका–४ जुम्ला साँपुल्ली गाउँको खेतबारी बगरमा परिणत भएको छ । उक्त बाढीले करोडौंको भौतिक क्षति गरेको समेत गरेको छ ।
बाढीपहिरोका कारण कर्णाली प्रदेशमा मात्र १० हजार सात सय १४ जना घरबारविहीन भएका छन् । त्यस्तै बाढीपहिरोबाट एक हजार सात सय २० घरधुरी विस्थापित भएका छन् ।
एक सातादेखि परेको अविरल वर्षाका कारण आएको बाढीपहिरोमा परेर कर्णालीमा ३६ जनाको मृत्यु भएको थियो । बाढीपहिरोबाट जुम्लामा १० जना, मुगुमा आठ, कालिकोटमा छ, हुम्लामा चार, जाजरकोट सल्यानमा तीन÷तीन, दैलेख र डोल्पामा एक÷एक जनाले ज्यान गुमाएको प्रदेश प्रहरी कार्यालयले जनाएको छ ।
प्रदेश प्रहरी कार्यालयका अनुसार कर्णालीमा पूर्णरूपमा एक हजार एक सय ४० घर भत्किएका छन् भने आंशिक एक हजार छ सय १२ घर भत्किएका छन् । त्यस्तै बाढी तथा पहिरोबाट उच्च जोखिममा एक हजार चार सय ७७ घरधुरी रहेका छन् ।
बाढीपहिरोमा परेर कर्णाली प्रदेशको कालिकोटमा सबैभन्दा धेरै १७ जना बेपत्ता भएका छन् भने दैलेख, जुम्ला र डोल्पामा एकएक गरी २० जना बेपत्ता भएका छन् ।
तस्बिर- शुरबहादुर सिंह, रासस
