गोरखा । नेकपा (माओवादी केन्द्र)का अध्यक्ष पुष्पकमल दाहाल ‘प्रचण्ड’ अगुवा कार्यकर्ता प्रशिक्षण कार्यक्रममा भक्कानिएका छन् । शुक्रबार गोरखामा अगुवा कार्यकर्ता प्रशिक्षण कार्यक्रममा प्रचण्ड एकाएक भक्कानिएका हुन् ।
सत्ता गठबन्धनको तर्फबाट गोरखा क्षेत्र नं २ बाट प्रतिनिधिसभा सदस्यको उम्मेदवार रहेका प्रचण्डले आफू गोरखामा किन उम्मेदवार बन्न आएँ भन्नेबारेमा बोल्दाबोल्दै भावुक बनेका हुन् । प्रचण्डले माओ त्से तुङ चिनियाँ कम्युनिस्ट आन्दोलनमा बिचलन आउँदै गर्दा एकपटक चिनकाङसाङ फर्केको घटना सुनाउँदै गर्दा रुन पुगेका हुन् ।
माओ त्से तुङले पुनः नयाँ आन्दोलनको ऊर्जा संगाल्न, नयाँ आन्दोलनको तागत बटुल्न चिनकाङसाङ पुगेको स्मरण गरे गर्दै उनले आफू अहिले अन्तिम युद्ध लड्न माओ त्से तुङले जस्तै गरि गोरखा आएको बताए ।
