काठमाडौँ । प्रधानसेनापति प्रभुराम शर्मा र नेपालका लागि पाकिस्तानका राजदूत सैयद हैदर शाहबीच जङ्गी अड्डामा भेटघाट भएको छ ।
नेपालका लागि मित्रराष्ट्र पाकिस्तानका राजदूत शाहले आफ्नो कार्यकाल समापन गरी स्वदेश फिर्ता जान लाग्नुभएको अवसरमा आज सो भेटघाट भएको नेपाली सेनाले जनाएको छ ।
भेटघाटमा प्रधानसेनापति शर्माले राजदूत शाहले पूरा गर्नुभएको सफल कार्यकालका लागि बधाई दिँदै सुखद् भविष्यका लागि शुभकामना दिनुभएको थियो ।
यस किसिमको भेटघाटले दुई देशबीचको आपसी सम्बन्धलाई सुमधुर एवं प्रगाढ बनाउन थप मद्दत पुग्ने विश्वास लिएको नेपाली सेनाले जनाएको छ ।
