• १९ जेष्ठ २०८१, शनिबार
  •      Sat Jun 1 2024
  •   Unicode
Logo
Latest
★   तनहुँलाई खेलकुद हबका रूपमा विकास गर्नुपर्छ: उपसभापति वाग्ले ★   टेस्ट मान्यताप्राप्त टिमलाई हराएर नेपाल पनि सक्षम छ भन्ने सन्देश दिने बेला भइसक्योः रोहित ★   अब छोराछोरीको कमाइको १० प्रतिशत बाबुआमालाई दिनुपर्छ: मन्त्री चौधरी ★   सिभिल सहकारीको सम्पत्ति हड्प्न सिभिल मलका मालिक लालकाजी र मिनाले मुद्दा हालेको पीडित बचतकर्ताहरुको आरोप ★   हमासको अन्त्य नभएसम्म गाजा युद्ध अन्त्य नहुने नेतान्याहुको दावी ★   भलिबलको लागि आवासीय कभर्ड हल बनाउनेछौँः मन्त्री श्रेष्ठ ★   एघार दिनपछि मनसुन भित्रिने पूर्वानुमान ★   राप्रपा भक्तपुर अध्यक्षमा कार्की निर्वाचित ★   प्राकृतिक सम्पदाको उपयोगबाट आत्मनिर्भरता बन्दै म्याग्दी ★   स्वदेशमा रोजगारीका अवसर सिर्जना गर्नुपर्नेमा जोड

चितवन ३ मा कांग्रेसका दिनेश कोइरालाले स्वतन्त्र उम्मेदवारी दिँदै



काठमाडौँ । नेपाली कांग्रेसका केन्द्रीय सदस्य दिनेश कोइरालाले चितवन निर्वाचन क्षेत्र नं ३ बाट स्वतन्त्र उम्मेदवारी दर्ता गराउने भएका छन् ।

सत्तारुढ गठबन्धनबीच भएको सिट बाँडफाँटमा सो निर्वाचन क्षेत्र नेकपा (माओवादी केन्द्र) को भागमा परेको छ । माओवादी केन्द्रले सो निर्वाचन क्षेत्रबाट डा भोजराज अधिकारीलाई उम्मेदवार बनाएको छ ।

यो पनि पढ्नुहोस- सभापति देउवालाई दिनेशको पत्र – समानुपातिक सीट पत्नी तथा परिवारलाई दिइने अंश होइन

सोही निर्वाचन क्षेत्रबाट कांग्रेसकै नेता एवं पूर्वसांसद जगन्नाथ पौडेलले पनि स्वतन्त्र उम्मेदवारी दिने भएका छन् ।

केही दिन अघि पार्टी सभापति शेरबहादुर देउवालाई एक पत्र लेख्दै केन्द्रीय सदस्य कोइरालाले समानुपातिक निर्वाचन प्रणालीको आदर्श र मर्मको गला रेटेर पहुँचवाल, नातागोता, वंश, परिवार, आसेपासे तथा अर्थबलले सुसज्जित पात्रहरुलाई प्रस्ताव गरिएको जनाउनु भएको थियो ।

उहाँले समानुपातिक उम्मेदवार चयन गर्दा पार्टीभित्रको खास गुट, खास परिवार र खास नेताहरुको तावेदारीहरुलाई प्राथमिकता दिइएको छ । समानुपातिक सीट भनेको पत्नी तथा परिवारलाई दिइने अंश होइन, समानुपातिक सीट भनेको आफ्नो वंशका लागि आरक्षण होइन भन्ने सन्देश नेपाली कांग्रेसले देशव्यापी रुपमा दिनुपर्ने अवस्थामा त्यस विपरित काम गरिएको जनाउनु भएको छ ।