काठमाडौं । दुई दिन देखीकाठमाडौँ उपत्यकासहित देशका विभिन्न भू–भागमा नै वर्षा भइरहेको छ ।
देशको पश्चिमी भागमा भारी मात्रामा वर्षा भएको छ । मौसम पूर्वानुमान महाशाखाका अनुसार हाल मनसुनको न्यून चापीय रेखा सरदर स्थानभन्दा उत्तरतिर अवस्थित रहेकाले आज पनि दिनभर देशैभर हल्का तथा मध्यम वर्षा हुने अनुमान छ ।
आज प्रदेश नं १, मधेश प्रदेश गण्डकी तथा बागमती र लुम्बिनी प्रदेशमा बदली भै रहेको छ । यसैगरी सुदूरपश्चिम प्रदेश र कर्णाली मा भारी वर्षा हुनेछ भने अन्य प्रदेशमा हल्कादेखि मध्य वर्षा भइरहेको छ ।
वरिष्ठ मौसमविद् मञ्जु मासीका यो प्रक्रिया अझै २/३ दिन रहने रहन्छ । यो वर्षाले पश्चिममा बाढी पहिरो, खेतीपातीमा क्षति हुने समेत सम्भावना छ । उहाँका अनुसार पूर्व र मध्यम भागमा सामान्य पानी पर्नेछ भने पश्चिममा भारी वर्षाले क्षति हुने पनि सम्भावना देखिएको छ । उहाँले भन्नुभयो ‘यो समय धान भित्राउने समय पनि हो तर झरीक कारण सनिबार पछि मात्र धान काट्दा उपयुक्त हुन्छ ।’
वर्षाका कारण विजया दशमीका दिन मानिसहरुलाई टीकाका लागि आवतजावत गर्न तथा आफन्त भेटघाट गर्न कठिनाइ भएको थियो ।
