काठमाडौं । नेकपा (एमाले)का अध्यक्ष एवम् पूर्वप्रधानमन्त्री केपी शर्मा ओलीले बडा दशैंको टीका ग्रहण गर्नु भएको छ ।
झापाको दमकस्थित आफ्नै निवासमा रहनु भएका ओलीले विजया दशमीको दिन आज (बुधबार)बुबा मोहनप्रसाद ओली र ठूली आमा हरीमाया ओलीको हातबाट बडा दशैंको टीका ग्रहण गर्नु भएको हो । त्यस अवसरमा उहाँले पत्नी राधिका शाक्य ओलीलाई पनि बडा दशैंको टीका लगाई दिनु भएको थियो ।
सोही क्रममा ओलीले आफन्त र सर्बसाधारणलाई पनि टीका लगाई दिनु भएको थियो । पार्टीका स्थानीय नेता, कार्यकर्ता, समर्थक, शुभेच्छुकहरुलाई टीका, जमरालगाई आर्थिवाद दिनु भएको हो । निर्वाचनको मुखमा केही दिनदेखि दमक रहनु भएका ओली आजै काठमाडौं फर्कने कार्यक्रम रहेको उहाँको निजी सचिवालयले जनाएको छ ।
