काठमाडौं । नेकपा एमालेका अध्यक्ष केपि शर्मा ओलीले वरिष्ठ नेता माधवकुमार नेपाल पार्टी एकताका बाधक बनेको अन्तरपार्टी निर्देशनमा उल्लेख गरेका छन् । अध्यक्ष ओलीले एमालेलाई एक बनाउने प्रयासमा वरिष्ठ नेता नेपाल बाधक बनेको आरोप लगाएका हुन् ।
ओलीले पार्टी एकता बचाउन कार्यदलले काम गरेपछि नेपालले सहमतिलाई अस्वीकार गरेको पनि अन्तरपार्टी निर्देशनमा उल्लेख गर्नुभएको छ ।
ओलीले माधवुकमार नेपाल र समूहले देश, जनता र पार्टीको भलाइको असल मनसाय साथ गरिएका सम्पूर्ण प्रयासलाई तिरस्कार र अपमान गर्दै गरेको आरोप लगाउनुभएको छ । नेपालखनाल समूहलाई ओलीले गिरोह भन्नुभएको छ ।
