काठमाडौँ । नागरिकता विधेयक प्रमाणीकरण नगरेको भनी राष्ट्रपति कार्यालय विरुद्ध परेको रिटमा सर्वोच्च अदालतले अग्राधिकार सहित कारण देखाउ आदेश जारी गरेको छ ।
सर्वोच्चका न्यायाधीश हरि फुँयालको इजलासमा रिटको सुनुवाइमा अदालतले राष्ट्रपतिलाई कारण देखाउ आदेश जारी गरेको छ ।
राष्ट्रपति समक्ष पेश भएको १५ दिन बित्दा समेत नागरिकता विधेयक प्रमाणीकरण नगरेको भन्दै सर्वोच्च अदालतमा दर्ता भएको रिट निवेदन दर्ता भएको थियो ।
अधिवक्ताहरु सुनिलरञ्जन सिंह सागर बराल, सुनिल कुमार यादव, देव शर्मा र सोनु रौनियारले छुट्टा छुट्टै रिट दायर गर्नुभएको थियो । सबै निवेदन एकसाथ पेशीमा राखिएको थियो ।
संघीय संसदबाट पारित गरी २०७९भदौ २० मा नागरिकता विधेयकलाई दोस्रोपटक प्रमाणीकरणका लागि राष्ट्रपति कार्यालय शितल निवासमा पठाएको थियो ।
