काठमाडौं । नेकपा एमालेले माधवकुमार नेपालसहित प्रतिनिधिसभाका १४ जना सांसदलाई कारवाही गर्ने निर्णयप्रति नेपाल समूहले आपत्ती जनाएको छ ।
नेपाल समुहले संस्थापन पक्षले आफूहरुलाई सांसदबाट हटाउने निर्णय औचित्यहीन भएको बताएको छ । समूहगत छलफलपछि पत्रकारसंग कुरा गर्दै एमाले सांसद रामकुमारी झाँक्रीले कारवाहीको कुनै अर्थ नभएको बताउनुभयो ।
यस्तै अर्का सांसद मेटमणि चौधरीले पनि कारवाहीको कुनै औचित्य नभएको बताउनुभयो ।
एमालेका केन्द्रीय सदस्य जगन्नाथ खतिवडाले ओलीकै कारण विभाजनको अवस्था आएको बताउनुभयो ।
