• १० श्रावण २०८१, बिहीबार
  •      Thu Jul 25 2024
  •   Unicode
Logo

संरक्षकबाटै जानीबुझी संविधान मिच्ने काम भयो– प्रचण्ड (भिडियोसहित)



काठमाडौँ । नेकपा (माओवादी केन्द्र) का अध्यक्ष पुष्पकमल दाहाल प्रचण्डले संविधानको पालक र संरक्षकबाट जानीबुझी संविधान खुलेआम मिच्ने काम भएको बताउनुभएको छ ।

पार्टी निकट किसान महासंघको भेलामा उहाँले संविधान मिच्ने काम हजारौँको बलिदानबाट प्राप्त उपलब्धि खोस्ने र अपहरण गर्ने षड्यन्त्र भएको बताउनुभयो ।

उहाँले संविधान उल्ट्याउने पटकपटक जमर्को भइरहेको उल्लेख गर्दै अब यस्ता क्रियाकलापलाई किसान, सुकुम्बासी, जनतालाई अगाडि बढाएर शिक्षित गर्दै आन्दोलित गरेर परास्त गर्न सकिने बताउनुभयो ।

अहिले परिवर्तन पक्षधर र विरोधीबची पेचिलो संघर्ष चलिरहेको भन्दै अध्यक्ष प्रचण्डले पछिल्लोपटक टीआरसी विधेयक असफल पार्ने कसरत र नागरिकता विधेयक प्रमाणीकरण नगर्नुले त्यो देखाएको दाबी गर्नुभयो ।

“कुरा धेरै नै गहिरो छ । गत सालदेखिको प्रतिगमनको षड्यन्त्र नयाँनयाँ रूपमा फेरि अगाडि ल्याउने जमर्को भइरहेको छ । हामीले एकता गुमायौँ भने कुनै दिनमा प्रतिगमन हुने अझै खतरा छ”, उहाँले भन्नुभयो ।