• १५ चैत्र २०८०, बिहीबार
  •      Thu Mar 28 2024
  •   Unicode
Logo
Latest
★   इलाम २ मा रास्वपाका उम्मेदवार मिलन लिम्बू ★   एमडीएमएस खरिदमा अनियमितता गरेको अभियोगमा २० जनाबिरुद्ध मुद्दा दर्ता ★   कर्णाली नदीमा हाम फालेर बेपत्ता भएका युवक मृत फेला ★   सवारी दुर्घटनाबाट दैनिक ७ जनाको मृत्यु हुने प्रहरीको तथ्यांक ★   सादा पोशाकमा जनशक्ति परिचालन नगर्न गृहको निर्देशन ★   चीनमा आँधीको चेतावनी ★   चैते धानमा किसानको आकर्षण बढ्दै ★   खेतालालाई दिने ज्याला नपुग्ने भएपछि बगानमै छाडियो कुचो ★   हवाई टिकटमा १३ प्रतिशत अतिरिक्त कर व्यवस्थाले पर्यटन क्षेत्र निरुत्साहित भयो: अध्यक्ष ढकाल ★   मुम्बई लगातार दुई खेलमा पराजित भएपछि कप्तान पाण्ड्याको आलोचना

नागरिकता विधेयक प्रमाणिकरणका लागि परमादेशको माग(भिडियोसहित)



काठमाडौँ । राष्ट्रपति विद्यादेवी भण्डारीलाई नागरिकता विधेयक प्रमाणिकरणका लागि परमादेशको माग गर्दै सर्वोच्च अदालतमा रिट दायर भएको छ ।

राष्ट्रपति भण्डारीले नागारिकता विधेयक प्रमाणिकरण गर्ने संवैधानिक दायित्व पूरा नगरेको भन्दै प्रमाणिकरणका लागि परमादेश जारी गर्न मागसहित बिहीवार सर्वोच्च अदालतमा रिट दायर भएको हो ।

अधिवक्ता सागर बराल, सौगातराज बराल, कानूनका विद्यार्थी अविनेश अधिकारी लगायतले राष्ट्रपति कार्यालयलाई विपक्षी बनाएर संयुक्त रुपमा रिट दायर गर्नुभएको हो । रिट दायरपछि न्यूज एजेन्सी नेपालसँग कुराकानी गर्दै अधिवक्ता सागर बरालले संविधानले राष्ट्रपतिलाई संविधानको संरक्षक मानेको भएपनि संविधान अनुरुप विधेयकलाई प्रमाणिकरण नगरी संविधानको उल्लंघन गरेको बताउनु भयो । उहाँले राष्ट्रपति भण्डारीले संवैधानिक कू गरेकाले प्रमाणिकरणका लागि परमादेश माग गर्दै अदालतमा रिट दायर गरिएको बताउनु भयो ।

उहाँले भन्नुभयो – ‘राष्ट्रपतिले संविधान अनुसार एकपटक मात्रै विधेयक फर्काउन पाउनुहुन्थ्यो । संसदले फेरि विधेयक पठाउँदा समेत उहाँले त्यसलाई प्रमाणिकरण नगरेको हुनाले उहाँले आफ्नो संवैधानिक दायित्व पूरा गर्नु भएन । नेपालको संविधानले राष्ट्रपतिलाई संविधानको संरक्षक मानेको छ । संरक्षकले नै संविधान भंग गरेको अवस्था प्रष्ट रुपमा देखिन्छ ।

नेपालको संवैधानिक इतिहासमै यो एउटा संवैधानिक कू भनेर भन्छु म यसलाई । यो संवैधानिक अपराध समेत हो । राष्ट्रपपतिले जुन संवैधानिक दायित्व पूरा गर्नुभएको छैन त्यसलाई आधार लिएर दायित्व पूरा गर्नुपर्ने हुन्छ । नागरिकता सम्बन्धी विधेयक प्रमाणिकरण गर्नुपर्ने हुन्छ भनेर सर्वोच्च अदालतमा हामीले परमादेशका लागि जिकिर लिएका छौँ ।’

दायर गरिएको रिटमा राष्ट्रपतिको नाममा संविधानको धारा १३३(२)(३) बमोजिम परमादेशको आदेश जारी गरिपाउँ भनि माग गरिएको छ ।