धनगढी । स्वास्थ्यसेवा सुधारको माग राख्दै अनशन बस्नुभएका डा गोविन्द केसीको पेटमा कडा खालको अल्सरको लक्षण देखिएको छ । उनको सेती प्रादेशिक अस्पतालमा उपचार भइरहेको छ ।
अस्पतालले केसीको स्वास्थ्यमा थप जटिलता हुनसक्ने चेतावनी दिएको छ । केसीको मांशपेसी सुक्दै गएको भन्दै अस्पतालले अल्सरका कारण रक्तस्राब भएको हुनसक्ने आशंका गरेको छ ।
अस्पतालले बहुविशेषज्ञ भएको विशिष्टीकृत अस्पतालमा लैजान सम्बन्धित निकायलाई आग्रह गरिसकेको बताइएको छ । अस्पतालले डा केसीको स्वास्थ्य अवस्थाबारे राष्ट्रिय मानवअधिकार आयोग सुदूरपश्चिम, प्रदेश सरकारको स्वास्थ्य तथा सामाजिक विकास मन्त्रालय, जिल्ला प्रशासन कार्यालय कैलाली र संघीय सरकारको स्वास्थ्य मन्त्रालयलाई जानकारी गराएको बताएको छ ।
डा केसी धनगढीको कृष्णमन्दिरको धर्मशालामा भदौको अन्तिम साता आमरण अनशन बस्नुभएको थियो । तीन दिनपछि भदौ २९ मा उहाँलाई स्वास्थ्यमा समस्या देखिएपछि सेती प्रादेशिक अस्पतालमा भर्ना गरिएको थियो ।
अस्पतालले स्वास्थ्य बुलेटिन जारी गर्दै डा केसीलाई पेट दुख्ने, कमजोरी हुने, टाउको दुख्ने, रिङटा लाग्ने, स्वास फेर्न गाह्रो हुने, मांशपेशी बाँउडिने, मुटुको धडकन गडबडी र अक्सिजनको मात्रा घट्दै गएको उल्लेख छ ।
अस्पतालले जारी गरेको विज्ञप्ति:
