काठमाडौँ । काठमाडौँ महानगरपालिकाका मेयर बालेन्द्र शाह (बालेन)ले राष्ट्रपति विद्यादेवी भण्डारी र पूर्वप्रधानमन्त्री माधव कुमार नेपालमाथि प्रश्न गरेका छन् ।
मेयर शाहले राष्ट्रपति भण्डारी र पूर्वप्रधानमन्त्री नेपालको आफ्नै क्षेत्र रहेको तिनकुनेको ५० वर्षदेखिको समस्या आफैँले हस्ताक्षर गरेर बारम्बार सम्झौता गरेर पनि समाधान नगरेको भन्दै असन्तुष्टि जनाएका हुन् ।
‘आफ्नै क्षेत्र तिनकुनेको ५० वर्षदेखिको समस्या आफैले हस्ताक्षर गरेर बारम्बार सम्झौता गरेर पनि समाधान गर्नु भएन । अब कुन मुख देखाएर जनता माझ भोट माग्न जानु हुन्छ ?’ मेयर शाहले प्रश्न गरेका छन् ।
यस्तै, मेयर शाहले अझै दुई महिना बाँकी रहेको आफू सरकारमा रहेको बताउँदै समस्या समाधान होस् भन्ने आशा राखेको समेत जनाएका छन् ।
