• ९ श्रावण २०८१, बुधबार
  •      Wed Jul 24 2024
  •   Unicode
Logo
Latest
★   नेपालमा विश्वको प्रविधि र समृद्धि भित्र्याउने काममा लाग्न परराष्ट्रमन्त्रीको आग्रह ★   भेडेटारको स्काइ वाक निर्माण सकियो, शुक्रबार मुख्यमन्त्रीले उद्घाटन गर्ने ★   सहज स्तरोन्नतिका लागि इजिप्टले सघाउने ★   टीकापुरमा चितुवाको त्रास ★   हिमा नदी र मार्सी धान खेती, फोटोले नै खिच्यो प्रधानमन्त्री ओलीको मन ! ★   कर्णाली प्रदेशमा आज भारी वर्षा हुने, बाढी र पहिराेको चेतावनी ★   पूर्वमुख्यमन्त्री कार्कीले शौचालयमा थुनेर कुट्ने धम्की दिएपछि सचिव भट्टराईले गुहारे प्रशासन ★   नेपाल एसिया कपबाट बाहिरियो ★   प्रधानमन्त्री ओलीले भने– विद्युत् प्राधिकरणसँग मतभेद छैन, उद्योगीसँग बक्यौता उठाइन्छ ★   अमेरिकास्थित नेपालीको सहयोगमा अनाथ आश्रमका बालबालिकालाई स्कुल भ्यान

चोलेन्द्रको आरोपमा कानूनव्यवसायीको प्रतिबाद, भ्रष्टले अरुलाई पनि भ्रष्ट देख्छन्



काठमाडौं । महाअभियोग सिफारिस समितिले वरिष्ठ अधिवक्ताहरुसँग बयान लिएको छ ।

बिहीवार समितिले वरिष्ठ अधिवक्ताहरु चण्डेश्वर श्रेष्ठ, शम्भु थापा, ओमप्रकाश अर्याल, पूर्णमान शाक्य लगायतसँग बयान लिएको हो । महाअभियोग सिफारिस समितिले प्रधानन्यायाधीश चोलेन्द्र समशेर जबराले नाम लिएका वरिष्ठ अधिवक्ताहरुसँग आज बयान लिएको हो ।

बैठकमा आएर अधिवक्ताहरु प्रधानन्यायाधीश जबराले लगाएका आरोपको बयान दिनुभएको समितिका प्रवक्ता लक्ष्मीप्रसाद गौतमले बताउनु भयो । उहाँले शुक्रवार बस्ने बैठकमा प्रधानन्यायाधीश चोलेन्द्र समशेर जबरालाई पनि पूरक प्रश्नसमेतका लागि बोलाउने निर्णय भएको पनि बताउनु भयो । उहाँले अहिले समितिले प्रतिवेदन लेख्ने काम गरिरहेको र प्रतिवेदनको बारेमा भोलिको बैठकले निर्णय गर्ने बताउनु भयो ।

उहाँले भन्नुभयो, ‘आजको बैठकमा हामीले वरिष्ठ अधिवक्ता ज्यूहरुले आएर यो विषयमा आफ्नो धारणा राखिसक्नुभएको छ । अर्को बैठक भोलि बिहान ९ बजे बस्ने र त्यसमा सम्माननीय प्रधानन्यायाधीश चोलेन्द्र समशेर जबरालाई पनि पूरक प्रश्नसमेतका लागि बोलाउने निर्णय भएको छ । प्रतिवेदन लेख्ने काम भइरहेको छ । प्रतिवेदनको बारेमा भोलि निर्णय हुन्छ ।’

बैठकमा बयान दिएपछि वरिष्ठ अधिवक्ता पूर्णमान शाक्यले चोलेन्द्र समशेर जबराबिरुद्ध यो महाअभियोगको प्रक्रियाको थालनीको लागि बारले खेलेको भुमिकाका बारेमा कसरी त्यस्तो परिस्थिति सिर्जना भयो भन्ने कुरा राखेको बताउनु भयो । उहाँले यो बयानले महाअभियोगको प्रक्रियालाई अझै बल पुगेको महशुस भएको बताउनु भयो । उहाँले समितिले आफूहरुसँग अझै प्रमाण भए त्यो पनि पेस गर्न भनेको बताउनु भयो । उहाँले सके यही संसदबाट टुंगो लाग्नुपर्ने र प्रक्रिया नसके महाअभियोगको मुद्दा अर्को संसदले जिम्मेवारी लिनेगरी व्यवस्था गर्नुपर्ने बताउनु भयो ।

उहाँले प्रधानन्यायाधीश जबराले महाअभियोगको स्पष्टीकरणका लागि दिएको मौकालाई दुरुपयोग गरेर आफूमाथि आरोप लगाएको बताउनु भयो ।
उहाँले भन्नुभयो, ‘निलम्वित प्रधानन्यायाधीश चोलेन्द्र समशेरले आफ्नो बयानको क्रममा जतिपनि वरिष्ठ अधिवक्ता, बारका पदाधिकारी, पूर्व पदाधिकारी, बारेमा जुन कुरा उठाएका थिए, त्यसका सम्बन्धमा तपाईहरुको के भनाइ छ भन्ने कुरा सोध्नुभयो, हामीले आफ्ना कुरा प्रष्ट रुपमा राख्यौँ । साथै चोलेन्द्र समशेर जबराबिरुद्ध यो महाअभियोगको प्रक्रियाको थालनीको लागि बारले जुन भुमिका खेलेको थियो, त्यो बारको भुमिका खेल्नुपर्ने बाध्यता किन सिर्जना भयो भन्ने कुराको विस्तृत आधार कारणसहित प्रष्ट रुपमा राख्यौँ ।

यो सुनुवाई महाअभियोगको प्रक्रियालाई अझै बल पुगेको महशुस भएको छ । थप प्रमाण भए दिन आग्रह गर्नुभएको छ, हामी थप प्रमाण उपलब्ध गराउँछौँ । महाअभियोगको सुनुवाई तथ्यपरक हुन्छ भन्नुभएको छ । अन्तर्राष्ट्रिय प्रचलन र मौजुदा कानूनले पनि सके यही संसदले टुंग्याउनुपर्ने हो, संसदले प्रक्रियालाई टुंग्याउन नसके विधि प्रक्रिया अनुसार आगामी संसदले जिम्मेवारी लिन्छ, यसमा दुविधामा बस्नुपर्ने अवस्था छैन । हाम्रो आरोप मात्रै होइन, तथ्यमा आधारित छ । फैसला ३ वटा बुझाएका छौँ ।महाअभियोगको स्पष्टीकरणका लागि दिएको मौकालाई दुरुपयोग गरेर हामीमाथि आरोप लगाउनु भयो । विवादमा तान्ने प्रयास भएको छ । त्यो प्रयास कुनैपनि हालतमा स्वीकारयोग्य छैन । म माथि लगाएका आरोप निराधार छन् ।’

वरिष्ठ अधिवक्ता शाक्यले आफूमाथि लागेका आरोप निराधार रहेको उल्लेख गर्दे तत्कालीन समयमा न्यायका लागि संघर्षमा उत्रिएका कानून व्यवसायीहरुलाई विवादमा तान्न प्रधान्यायाधीश जबराले आफूहरुको नाम लिएको बताउनु भयो । महाअभियोग सिफारिस समितिको अर्को बैठक शुक्रवार बिहान ९ बजेका लागि बोलाइएको छ ।