• ९ श्रावण २०८१, बुधबार
  •      Wed Jul 24 2024
  •   Unicode
Logo
Latest
★   कर्णाली प्रदेशमा आज भारी वर्षा हुने, बाढी र पहिराेको चेतावनी ★   पूर्वमुख्यमन्त्री कार्कीले शौचालयमा थुनेर कुट्ने धम्की दिएपछि सचिव भट्टराईले गुहारे प्रशासन ★   नेपाल एसिया कपबाट बाहिरियो ★   प्रधानमन्त्री ओलीले भने– विद्युत् प्राधिकरणसँग मतभेद छैन, उद्योगीसँग बक्यौता उठाइन्छ ★   अमेरिकास्थित नेपालीको सहयोगमा अनाथ आश्रमका बालबालिकालाई स्कुल भ्यान ★   मदन पुरस्कारका लागि पाँच कृति छनोटमा ★   ‘रेकर्ड ब्रेक’ वर्षापछि विस्थापित परिवार बादल देख्दा पनि तर्सिन्छन् ★   ओलम्पिकमा नेपालको झण्डा स्यान्टु र मनिताले बोक्ने ★   अनररी कन्सुलर कर्पस नेपालको डिनमा चन्द्र ढकाल, आर्थिक कूटनीति प्रवर्द्धन पहिलो प्राथमिकतामा ★   मनसुनयता बाढीपहिरामा परी १३३ को मृत्यु

‘अग्निपथ भर्ती’ बारे तत्काल वार्ता हुँदैन: परराष्ट्र मन्त्रालय(भिडियोसहित)



file photo

काठमाडौँ । भारतीय सेनाको अग्निपथ कार्यक्रमअन्तर्गत गोर्खा सैनिकको भर्तीसम्बन्धी तत्काल वार्ता नहुने परराष्ट्र मन्त्रालयले जनाएको छ । बिहीबार नियमित पत्रकार सम्मेलनमा मन्त्रालयकी प्रवक्ता सेवा लम्सालले निर्वाचनअघि भर्तीसम्बन्धी कुनै निर्णय नहुने जनाउँदै सो विषयलाई अहिले थाँती राखिएको बताउनुभयो ।

यसअघि भारतीय सेनाध्यक्ष मनोज पाण्डेले नेपालले निर्णय नगरे नेपालीलाई छुट्याइएको अग्निपथ भर्ती तत्काललाई फिर्ता हुने बताउनुभएको थियो । उहाँले एक कार्यक्रममा नेपालले निर्णय नगरे नेपालीलाई छुट्याइएको कोटा अन्यलाई दिने बताउनुभएको थियो ।

भारतीय सेनाध्यक्षको भनाइप्रति प्रवक्ता लम्सालले नेपाल सरकारको निर्णय भनेकै नवनिर्वाचित सरकारले गर्ने भन्ने भएको बताउनुभयो । नेपाल सरकारले यसअघि नै भारतीय पक्षलाई सैनिक भर्तीका विषयमा राजनीतिक दलहरूबीच छलफल गरेर मात्र आफ्नो राय दिने जानकारी दिइसकेको छ ।

उहाँले भन्नुभयो, “तत्काल अग्निपथबारे छलफल र वार्ता अघि बढ्दैन। उहाँले आफ्नो देशको कुरा राख्नुभयो हो, यसबारेमा यो गरौँ त्यो गरौँ भन्नुभन्दा पनि नवनिर्वाचित सरकारले नै सबै राजनीतिक दलहरूसँग कुरा गरेर यस विषयलाई अगाडि बढाउँदा नै उपयुक्त हुन्छ भन्ने हो ।”

नेपाल सरकारले अग्निपथ भर्ना प्रक्रियाका बारेमा आन्तरिक गृहकार्य गर्नुपर्ने भारतीय पक्षलाई जानकारी गराएको थियो । त्यसपछि यही भदौ ९ मा बुटवल र भदौ १६ गते धरानमा हुने भनिएको गोर्खा सैनिक भर्ती प्रक्रिया स्थगित गरिएको थियो ।

भारत सरकारले ल्याएको कार्यक्रमअनुसार अग्निपथमा भर्ती भएकामध्ये २५ प्रतिशतलाई नियमित सेनामा राख्ने र ७५ प्रतिशतलाई चार वर्षपछि फिर्ता पठाउने व्यवस्था रहेको छ ।

अग्निपथ कार्यक्रमअन्तर्गत ‘अग्निवीर’ का रूपमा भर्ती हुने सैनिकमध्ये ७५ प्रतिशत चार वर्षपछि करिब ११ लाख भारुसहित फिर्ता हुनेछन् ।