काठमाडौँ । चालु आर्थिक वर्षदेखि वीर अस्पतालले घर बहाल कर काठमाडौँ महानगरपालिकालाई बुझाउने भएको छ ।
आफ्नो स्वामित्वमा रहेका सटर तथा जमिन भाडामा दिएबापत तिर्नुपर्ने घर बहाल कर अस्पतालले अबदेखि महानगरपालिकालाई बुझाउने भएको हो ।
महानगरले घर बहाल कर बुझाउन अस्पताललाई ताकेता गरेको थियो । यसअघि अस्पतालले आफूले उठाउने भाडाको १० प्रतिशत रकम स्थानीय सरकार सञ्चालन ऐन, २०७४ जारी हुनु पूर्वकै व्यवस्थाअनुसार आन्तरिक राजश्व कार्यालयमा बुझाउने गरेको थियो ।
