काठमाडौँ । परराष्ट्र मन्त्रालयले अति आवश्यक अवस्थामा बाहेक हाललाई युक्रेन भ्रमण स्थगित गर्न अनुरोध गरेको छ ।
युक्रेनमा रहेका नेपाली नागरिकहरूले त्यहाँको वर्तमान अवस्था तथा विकसित हुँदै गरेका घटनाक्रमको मूल्याङ्कन गरी अति आवश्यक परी त्यहीँ रहनुपरेमाबाहेक उपलब्ध व्यावसायिक हवाई उडानको उपयोग गरी स्वदेश फर्कनसमेत अनुरोध गरेको छ ।
युक्रेनका लागि समेत सहप्रमाणिकृत नेपाली राजदूतावास बर्लिन युक्रेनमा रहेका ३८ भन्दा बढी नेपाली नागरिकसँग सम्पर्कमा रहेको र उनीहरू सबै सकुशल रहेको जानकारी प्राप्त भएको मन्त्रालयले जनाएको छ।
मन्त्रालयले युक्रेनमा रहेका नेपाली नागरिकले आवश्यक परेमा नेपाली राजदूतावास, बर्लिनका तृतीय सचिव सहारा चौँलागाइँ सम्पर्क नं.+491709808063, Email: [email protected] र सहजताका लागि मस्कोस्थित नेपाली राजदूतावासका शुशिल घिमिरे, कार्यवाहक राजदूत
सम्पर्क नं.+79680702815, Email: [email protected] गर्न सकिने बताएको छ ।
