• १० श्रावण २०८१, बिहीबार
  •      Thu Jul 25 2024
  •   Unicode
Logo
Latest
★   सिंहदरवारमा मन्त्रिपरिषद् बैठक जारी ★   बङ्गलादेशमा तनाव कम हुँदै गएपछि निशेधाज्ञा आदेशलाई खुकुलो पारियो ★   सभापतिले बोल्न नदिएको भन्दै पूर्वमन्त्री किरातीले गरे छलफल बहिष्कार ★   एसिया कप खेलेर फर्कियो महिला टोली ★   दूरदराजका जनतामा पुग्नेगरी वैकल्पिक ऊर्जालाई प्रवर्द्धन गर्नुपर्छ: ऊर्जामन्त्री ★   धानबालीमा फेद कुहिने समस्या ★   चीनबाट आयात भएका सामग्री बोकेका कन्टेनर टिमुरेमै रोकिए ★   म्याग्दीका पाँचवटा रणनीतिक सडकमा कालेपत्र ★   हामी बिरुद्ध षड्यन्त्रका तानाबाना बुनिँदैछन्: अध्यक्ष नेपाल ★   विमान दुर्घटनाबारे गहन अध्ययन गर्न र मृतक परिवारलाई क्षतिपूर्ति दिन सरकारसँग नेकपा एसको माग

इन्धनको भुक्तानी युआन र रुबलमा गर्ने चीन र रसियाको घोषणा



चीन र रसियाबीच चिनिया युआन र रसियाली मुद्रा रुबलमा कारोबार गर्ने सहमति भएको छ । खासगरी रसियाबाट खरिद गरिने पेट्रोलियम पदार्थको भुक्तानी रुबल र युआनमा गर्ने सहमति भएको हो ।

यसअघि दुई मुलुकबीचको समग्र व्यापार कारोबार अमेरिकी डलरमा हुने गरेको थियो । रसियाली तेल बिक्रेता ग्याजप्रोमले दुई देशबीच रुबल, युआनमा कारोबार गर्न सहमति भएको जनाएको छ । तर कतिपय जानकारले दुई मुलुकबीच रुबल र युआनको संचिती पर्याप्त नरहेको अवस्थामा यो व्यवस्था त्यति फलदायी नहुने आशंका जनाएका छन् ।

रुबल र युआनमा कारोबार गर्ने गरी भएको सहमतिलाई दुई देशबीच बढ्दो समझदारी र मित्रताका रुपमा हेरिएको छ ।

रसियाले युक्रेनमा आक्रमण गरेयता पश्चिमा देशबाट रसिया विरुद्ध अनेक प्रतिबन्धहरु घोषणा गरिएका छन् जसबाट रसियाको अर्थतन्त्रमै संकट आउन लागेको अनुमान गरिएको छ । यस्तो अवस्थामा रसिया र चीनबीच भएको समझदारीलाई निकै अर्थपूर्ण रुपमा हेरिएको छ ।

पश्चिमा मुलुकले रसियाको इन्धन खरिदमा प्रतिबन्धहरु घोषणा गरे पनि भारत, चीन, टर्की समेतका कतिपय मुलुकले रसियाको इन्धन खरिदलाई निरन्तरता दिएका छन् । एएफपी