काठमाडौं। प्रतिनिधिसभाको महाभियोग सिफारिस समितिले निलम्बित प्रधानन्यायाधीश चोलेन्द्र शमशेर जबरालाई भदौ २६ गते दिउँसो १२ः३० बजे बयानका लागि फेरि बोलाएको छ।
समितिले जबरासँग बयानका लागि ४३ वटा प्रश्न तयार पारेको मा आज थप पाँच प्रश्न सोधेको थियो। यो सहित समितिले जबरालाई ११ वटा प्रश्न सोधेको छ।
आजको बैठकमा जबराले आफूमाथि लगाइएको महाभियोग भ्रामक र निरर्थक भएको बताउनु भएको छ । उहाँले महाभियोग लगाएको साढे ६ महिना वितिसक्दा पनि यसको जवाफ पाउन नसकेको बताउनु भयो ।
उहाँले संविधानको पालना गर्दागर्दै पनि राजनीतिक दलहरुले आफूमाथि प्रतिशोध साँध्न खोजेको आरोप लगाउनु भयो । उहाँले भन्नुभयो संविधानबमोजिम नियुक्त भएको हुँ।
संविधानले तोकेको दायित्व र कर्तव्यबाट एक इन्च पनि बाहिर गएको छैन।’
