काठमाडौं । कुल गार्हस्थ उत्पादन (जीडीपी) को आधारमा भारत विश्वको पाँचौ स्थानमा उक्लिएको छ । एक महिनाअघि मात्र स्वतन्त्रताको ७५ औँ वर्ष पूरा गरेको भारतले जीडीपीमा बेलायतलाई पनि पछि पारेको छ ।
अन्तर्राष्ट्रिय मुद्रा कोष (आईएमएफ) को तथ्यांक अनुसार भातरको अर्थव्यवस्था ८५४.७ अर्ब डलरको रहेको छ भने वेलायतको ८१६ अर्ब डलर रहेको छ ।
अनुमानित कूल ग्राहस्थ उत्पादन (जीडीपी) ३ हजार ८ सय ९४ अर्ब डलर भारतको पुगेको छ । बेलायतको भने, जीडीपी ३ हजार ६ सय ८७ अर्ब डलर रहेको छ ।
भारतको जनसंख्या १३८ करोड रहेको छ । जनसंख्याको हिसाबले हेर्दा भारतमा वेलायतको भन्दा २० गुण बढी जनसंख्या रहेको छ ।
जीडीपीको आधारमा पहिलो आर्थिक शक्ति भएको देश अमेरिका रहेको छ । त्यसैगरी, दोश्रोमा चीन, तेश्रोमा जापान र चौथोमा जर्मनी रहेका छन् ।
