काठमाडौँ । नेकपा (एमाले) ले त्रिभुवन विश्वविद्यालयमा सरकार संरक्षित गुण्डागर्दी भएको आरोप लगाएको छ । प्रतिनिधिसभाको आजको बैठकमा विशेष समय लिएर बोल्दै एमालेका सासंद प्रदीप ज्ञवालीले सरकारको संरक्षणमा सत्तारुढ दलका भ्रातृसंगठनले प्राध्यापकको ज्यान लिने प्रयास गरेको तीन वर्षमा ३०० दिन तालाबन्दी गरेको र कार्यालयहरु तोडफोड गर्नुका साथै माइन्युट समेत च्यातेर अराजकता मच्चाउँदा पनि कुलपति, सहकुलपति र गृहमनत्री मौन रहनु आपत्तिजनक रहेको बताउनुभयो ।
उहाँले कुनै समयमा नेविसंघको नेतृत्व गर्नुभएका प्रधानमन्त्री र गृहमन्त्रीले कस्तो शिक्षा दिन खोजेको हो भन्दै प्रश्न गर्नुभयो । “त्यस समयमा मण्डलेबाट आक्रमण हुन्थ्यो। आज त्यही घटना दोहोरिएको छ, के उहाँहरु मौका नपाएर मण्डले नहुनु भएको हो रु”, ज्ञवालीले भन्नुभयो, “यस्तो विषयले प्रधानमन्त्री, शिक्षामन्त्री र गृहमन्त्रीलाई पोल्नु पर्दैन रु”
नेता ज्ञवालीले भन्नुभयो, “आफूलाई चित्त नबुझेको खण्डमा राष्ट्रबैंकको गभर्नरमाथि हमला, रेडक्रसमाथि हमला, विश्वविद्यालयमाथि हमला, के सरकारले चाहेको यही हो ? विश्वविद्यालयको कार्यलय बूढानीलकण्ठमै सार्न खोजेको हो भने पनि प्रधानमन्त्रीले भन्नुपर्यो ।”
उहाँले उहाँले यस विषयमा रुलिङ नभएसम्म बैठक चल्न नसक्ने जनाउनुभयो । सभामुख अग्नि सापकोटाले यस विषयमा आफ्नो ध्यानाकर्षण भएको जानकारी गराउँदै यस विषयमा सरकारको गम्भीर ध्यानाकर्षण गराएपछि बैठक सुचारु भएको छ ।
