काठमाडौं । देशभर पछिल्लो २४ घण्टामा थप ६३४ जनामा कोरोना संक्रमण पुष्टि भएको छ ।
स्वास्थ्य तथा जनसंख्या मन्त्रालयले दिएको जानकारी अनुसार चार हजार ९४९ जनामा गरिएको परीक्षणमा सो संख्यामा संक्रमण पुष्टि भएको हो ।
दुई हजार ७५७ पीसीआर परीक्षणमा ३४३ र दुई हजार ११९ एन्टिजेन परीक्षणमा २९१ जनामा संक्रमण देखिएको मन्त्रालयले जनाएको छ ।
पछिल्लो २४ घण्टामा कोरोना संक्रमणमुक्त हुनेको संख्या ४१७ रहेको छ भने यसको संक्रमणका कारण पछिल्लो २४ घण्टामा एक जनाको निधन भएको छ ।
हाल नेपालमा सक्रिय संक्रमितको संख्या चार हजार २२१ पुगेको छ ।
