काठमाडौं । राप्रपाले नेपालले हिन्दु राष्ट्र अभियानका लागि आर्थिक सहयोग संकलन अभियान थालेको छ । काठमाडौंमा आयोजित एक समारोहमा बोल्दै अध्यक्ष राजेन्द्र लिङ्देनले हिन्दु राष्ट्र अभियानको घोषणा गरेका हुन् ।
प्रवक्ता एवं प्रचार विभाग प्रमुख मोहन श्रेष्ठले दिएको जानकारीको अनुसार वैदिक सनातन धर्म सापेक्ष हिन्दुराष्ट्रका पक्षमा जनमत बनाउन, हिन्दुराष्ट्र पुनःस्थापना अभियान र आन्दोलनलाई प्रभावकारी ढंगबाट अघि बढाउन, संसारभरका हिन्दुराष्ट्र नेपाल पक्षधर व्यक्ति, समुह र संघसंस्थालाई जोड्न, स्वदेश र विदेशमा रहेका नेपालीको साथ, सहयोग र समर्थनको आह्वान सहित आजदेखि “कोष वृद्धि“ अभियान सुरु गरिएको हो ।
सनातन धारको शक्तिकेन्द्र निर्माण एवं वैदिक सनातन हिन्दुराष्ट्र पुनःस्थापना गर्ने अभियानमा राप्रपाले आर्थिक सहयोग जुटाउने अभियान सञ्चालन गरेको प्रवक्ता श्रेष्ठले जनाएका छन् ।
आर्थिक सहयोग संकलन अभियानका लागि राप्रपाले छुट्टै बैंक खाता सञ्चालन गरेको छ ।
