काठमाडौं । एलएल.बी. प्रथम वर्षको प्रवेश परीक्षाको फाराम बुझाउने म्याद थप गरिएको छ । त्रिभुवन विश्वविद्यालय कानून संकाय डीनको कार्यालले सुचना प्रकाशित गर्दै प्रवेश परीक्षाको फाराम बुझाउने म्याद थप गरिएको जानकारी दिएइको हो ।
सुचना जारी भएसंगै प्रदर्शनीमार्ग स्थित नेपाल ल क्याम्पसले पनि एलएल.बी. प्रथम वर्षको प्रवेश परीक्षा फाराम बुझाउने मिति थप गरेको छ । यसअघि एलएल. बी. प्रथम वर्षको प्रवेश परीक्षाको फाराम बुझाउने म्याद गत भदौ ८ गतेसम्म निर्धारण गरिएको थियो ।
तर नेपाल ल क्याम्पसमा तालाबन्दी भएपछि सो कार्य स्थगित भएको थियो । अब भने फाराम बुझाउन नपाएका तथा अन्य इच्छुक सम्पूर्ण विद्यार्थीहरुले भदौ १५, १६ र १७ गतेसम्मका लागि प्रवेश परीक्षा फाराम बुझाउन सक्नेछन् ।
नेपाल ल क्याम्पसले प्रकाशित गरेको सुचना अनुसार प्रवेश परीक्षा हुने मिति र समय तथा परीक्षा केन्द्र सम्बन्धी सूचना भने पछि प्रकाशित गरिने व्यहोरा छ ।
