काठमाडौं । स्वास्थ्य तथा जनसंख्या मन्त्रालयले कोरोनाविरुद्धको दोस्रो डोज खोप लगाएका व्यक्तिमा ९० प्रतिशतसम्म प्रभावकारी रहेको बताएको छ ।
एक डोज मात्र खोप लगाएका व्यक्तिमा ८० प्रतिशत र पूर्ण डोज खोप लगाएका ९० प्रतिशतमा एन्टिबडी देखिएको मन्त्रालयले जनाएको छ ।
मन्त्रालयका अनुसार असार २१ गतेदेखि साउन ३० गतेसम्म देशभरबाट संकलित नमूनाहरु मध्ये १३ हजार १६१ जनाको परीक्षण गरी विश्लेषण गर्दा उक्त नतिजा आएको हो ।
जसबाट प्राप्त प्रारम्भिक नतिजा अनुसार देशभरी ६८.६ प्रतिशत नमूनामा कोभिड-१९ एन्टिबडी देखिएको मन्त्रालयका प्रवक्ता डा कृष्णप्रसाद पौडेलले जारी गरेको विज्ञप्तीमा भनिएको छ ।
