काठमाडौँ । बाख्रालाई ठक्कर दिएपछि सिसडोलबासीले फोहोर बोकेको ट्रकलाई रोकेका छन् ।
काठमाडौँ महानगरपालिकाको फोहोर बोकेको गाडीले बञ्चरेडाँडा जानेक्रममा बाख्रालाई ठक्कर दिएपछि स्थानीयबासिन्दले अवरोध सिर्जना गरेका हुन् ।
फोहोर बोकेका गाडीको ठक्करबाट ककनी गाउँपालिकाको कागती गाउँमा बाख्रा मरेपछि फोहोरको गाडी रोकेका हुन् । स्थानीयबासीहरुले बाख्राको क्षतिपूर्ति माग गरेका छन् ।
उपत्यकाको फोहोर शनिबारबाट उठ्न थालेको थियो । स्थानीयको आन्दोलनपछि आजबाट फेरि फोहोर संकलन अनिश्चितकालका लागि रोकिएको छ ।
