काठमाडौं । डा. बाबुराम भट्टराई नेतृत्वको नेपाल समाजवादी पार्टी(नेसपा)ले नेकपा माओवादी केन्द्रककै चुनाव चिन्ह लिएर प्रतिनिधिसभा र प्रदेशसभाको निर्वाचनमा भाग लिने भएको छ ।
माओवादी पार्टीबाट अलग भएको ७ वर्षपछि भट्टराईले आँखा चिन्ह होल्ड गर्दै माओवादीकै चुनाव चिन्हबाट आउने प्रतिनिधिसभा र प्रदेशसभाको चुनावमा भाग लिने भएका हुन् ।
माओवादी अध्यक्ष पुष्पकमल दाहाल प्रचण्डसँगको चरणबद्ध वार्तापछि एउटै चुनाव चिन्ह र घोषणापत्रबाट प्रतिनिधिसभा र प्रदेशसभाको निर्वाचनमा भाग लिने सहमति भएको हो । यसको औपचारिक घोषणा हुन बाँकी छ । दुवै पार्टीको घोषणापत्र पनि एउटै हुनेछ ।
यस्तै सीट बाँडफाँटका बारेमा भने छलफल हुन बाँकी रहेको बताइएको छ । नेसपा दल अलग्गै रहे पनि चुनाव चिन्ह भने माओवादीको कायम हुनेछ ।
सो सहमति बनेसँगै अब नेसपा सत्ता गठबन्धनको छैटौं घटक हुने पनि पक्का भएको छ ।
