काठमाडौँ । नेकपा (एकीकृत समाजवादी) का अध्यक्ष माधवकुमार नेपालले आफ्नो पार्टीभित्र पद र पैसाका लागि स्वार्थ देखिन थालेको बताउनुभएको छ । बिहीबार पार्टी कार्यालयमा आयोजित एक कार्यक्रममा उहाँले पार्टीभित्र पद र पैसाका लागि व्यक्तिवादी स्वार्थ देखिन थालेको बताउनुभयो ।
उहाँले पद नपाए गुटबन्दी गर्ने र स्वार्थका लागि जे पनि गर्ने प्रवृत्ति नेपालको कम्युनिष्ट आन्दोलनमा भित्रिएको भन्दै त्यस्तो प्रवृत्ति अहिले आफ्नो पार्टीमा भित्रिएको उल्लेख गर्नुभयो ।
“‘म’ बाट सुरु गर्ने प्रवृत्ति व्याप्त भएको भन्दै अध्यक्ष नेपालले ‘म’ ने पाइन भने जस्तोसुकै कुकर्म गर्न पनि तयार हुने प्रवृत्तिलाई अन्त्य गर्न आग्रह गर्नुभयो । उहाँले भन्नुभयो, “‘म’ भन्दा भिन्न सोच राखेर अघि बढ्नुपर्छ, सिद्धान्त र आदर्शप्रति समर्पित हुने भावना बनाउनुपर्छ ।”
