काठमाडौँ । निर्मला पन्त प्रकरणमा मुछिएका दिलीपसिंह विष्टमाथि युवतीहरुलाई दुर्व्यहार गरेको आरोप लागेको छ । दिलीपमाथि बाटोमा हिँड्ने किशोरी तथा युवतीहरुमाथि जिस्काउ थालेको आरोप लगाइएको छ ।
निर्मला पन्त मृत भेटिएको क्षेत्रमा पर्ने भगतपुर ब्यारेक–उल्टाखाम सडकखण्डमा हिँड्ने किशोरी र युवतीलाई दिलीपले जिस्काउन थालेको गुनासो आएको प्रहरीले बताएको छ । प्रहरीका अनुसार बाटोमा हिँड्ने क्रममा प्लस टुमा अध्ययनरत युवतीलाई दिलीपले जिस्काएको गुनासो आएको र सो विषयमा अनुसन्धान भइरहेको छ ।
चार वर्षअघि कञ्चनपुरमा निर्मला पन्त हत्या गरिएको अवस्थामा फेला परेकी थिइन् । पन्त घर नजिकैको उखुबारीमा बलात्कारपछि हत्या गरिएको अवस्थामा फेला परेकी थिइन् । निर्मलाको हत्यको २५ दिनपछि प्रहरीले दिलीपसिंह विष्टलाई अभियुक्तका रुपमा सार्वजनिक गरेको थियो । उनी भीमदत्त नगरपालिका–२ का बासिन्दा हुन् । तर त्यसको दुई दिनपछि भदौ २६ मा हत्यामा उनको संलग्नता पुष्टि गर्ने ठोस प्रमाण नभएको र डीएनए समेत नमिलेको भन्दै जिल्ला अदालतले उनलाई साधारण तारेखमा रिहा गर्न आदेश दिएको थियो ।
