काठमाडौँ । नेपाल प्रहरीका अतिरिक्त प्रहरी महानिरीक्षक (एआईजी) विश्वराज पोखरेलले अनिवार्य अवकास पाएका छन् । उमेर हदका कारण उनले अनिवार्य अवकास पाएका हुन् । एआईजीको उमेर हद ५६ वर्ष रहेको छ ।
उनले वरियता मिचेर आईजीपी नियुक्ति भएको भन्दै गत वैशाख १९ गते सर्वोच्च अदालतमा रिट दायर गरेका थिए । त्यसयता उनी प्रहरी प्रधान कार्यालयमा हाजिर भएका छैनन् । सर्वोच्च अदालतले उनले दायर गरेको रिट असार ३१ गते खारेज गरेको थियो ।
रिट खारेज भएलगत्तै पोखरेलले साउन २ गते प्रहरी प्रधान कार्यालयमा राजीनामा बुझाएका थिए । यद्यपि प्रहरी महानिरीक्षक ९आईजीपी० धीरजप्रताप सिंहले उनको राजीनामा अघि बढाएका थिएनन् । मन्त्रिपरिषद्को बैठकले एआईजीको राजीनामा स्वीकृत गर्नुपर्ने कानूनी प्रावधान रहेको छ । मन्त्रिपरिषद्मा गृह मन्त्रालयले राजीनामाको प्रस्ताव लानुपर्ने भए पनि आईजीपी सिंहले राजीनामा पत्र गृह मन्त्रालय पठाएका थिएनन् ।
पोखरेल अनिवार्य अवकास भएसँगै एआईजी पद खाली भएको छ ।
