निर्वाचन घोषणापछि पनि वर्तमान संसद्लाई निरन्तरता दिने प्रयास भइरहेका बेला राष्ट्रिय प्रजातन्त्र पार्टी (राप्रपा) का अध्यक्ष राजेन्द्र लिङ्देनले निर्वाचनलाई स्वतन्त्र र निष्पक्ष बनाउन चुनावी सरकार गठन गर्नुपर्ने बताउनुभएको छ । उहाँले निर्वाचन घोषणापछि वर्तमान सरकारसमेत विघटन गरी स्वतन्त्र चुनावी सरकार गठन गर्नुपर्ने माग गर्नुभएको छ ।
सामाजिक सञ्जालमा अध्यक्ष लिङ्देनले भन्नुभएको छ, “निर्वाचन घोषणापछि पनि संसद्लाई निरन्तरता दिने होइन बरू निर्वाचन स्वतन्त्र निष्पक्ष होस् भन्नका लागि सरकारसमेत विघटन गरेर स्वतन्त्र चुनावी सरकार गठन गर्नु उपयुक्त हुन्छ। यो गठबन्धन सरकारलाई जनता र प्रजातन्त्रमाथि विश्वास छ भने त्यसतर्फ अघि बढे राम्रो ।”
