काठमाडौं । नेकपा माओवादी केन्द्रका नेता जनार्दन शर्मा पुनः अर्थमन्त्रीमा नियुक्त हुनुभएको छ ।
प्रधानमन्त्री शेरबहादुर देउवाको सिफारिसमा राष्ट्रपति विद्यादेवी भण्डारीले शर्मालाई अर्थमन्त्रीमा नियुक्त गर्नुभएको हो । मन्त्री शर्माले आजै साँझ राष्ट्रपति कार्यालयमा सपथ लिँदै हुनुहुन्छ ।
संयोगवश अर्थसचिव मधु मरासैनी विदामा पोखरा जानुभएको छ । यसअघि पनि अर्थमन्त्री शर्माले १४ जेठमा अर्थमन्त्रालयमा अनधिकृत व्यक्तिको प्रवेश गराएर करका दरहरू हेरफेर गराएको आरोप खेप्दा अर्थसचिव मरासैनी अनिश्चितकालका लागि विदामा बस्नुभएको थियो ।
