काठमाडौँ । बञ्चरेडाँडाका बासिन्दाले काठमाडौँ महानगरपालिकाको फोहोर बोकेका गाडीलाई रोकेका छन् । स्थानीय बासिन्दाले बञ्चरेडाँडामा फोहोर विसर्जन गर्न गइरहेका गाडीलाई रोकपछि बाटोमै गाडीको लामो लाइन लागेको छ ।
महानगरबाट करिब ६० वटा गाडी फोहोर बोकेर गएका बताइएको छ । स्थानीय बासिन्दाले गाडीलाई रोकिदिएपछि फोहोर विसर्जन हुनसकेको छैन ।
एक हप्तादेखि काठमाडौँ महानगरपालिकाले फोहोर उठाएको थिएन । महानगरले आजदेखि फोहोर उठाउने भनी सूचना जारी गरेको थियो र आज बिहानैदेखि फोहोर संकलन सुरु गर्ने जानकारी समेत दिएको थियो । सोही सूचनाका आधारमा आज बिहानै फोहोर बोकेका गाडी बञ्चरेडाँडा विसर्जन गर्न गएका थिए ।
महानगरले फोहोर व्यवस्थापनस्थल बञ्चरेडाँडासम्म जाने सडकको निर्माणको काम भइरहेको भन्दै एक सातासम्म फोहोर उठाउन र ढुवानी रोकेको थियो ।
