• १५ चैत्र २०८०, बिहीबार
  •      Thu Mar 28 2024
  •   Unicode
Logo
Latest
★   प्रतिस्पर्धाको अभावले अष्ट्रेलियाको जीवनस्तर तथा उत्पादकत्वमा गिरावट: रिपोर्ट ★   नेप्से परिसूचकमा सामान्य अङ्कको वृद्धि ★   हिमालमा हेलिकप्टरले बचाउँदै पर्यटकको ज्यान ★   स्वरोजगार महिलालाई उपमहानगरको सम्मान ★   राष्ट्रपति रनिङ सिल्डका लागि राष्ट्रपतिलाई निमन्त्रणा ★   निराशा चिर्ने र भरोसा जगाउने चुनौती छ: प्रधानमन्त्री ★   सर्लाहीबाट १० निरीक्षक निष्काशित, एक परीक्षार्थीले हिरासतबाटै परीक्षा दिए ★   यशराजको आगामी फिल्ममा विशेष लुकमा देखिदै बबी देओल ★   चार्जिङ स्टेशनमा लगानी बढाउन लगानी कर्ताहरुलाई कुलमानको आह्वान ★   बजेट मागिरहने तर पुँजीगत खर्च गर्न नसक्ने अवस्थाको अन्त्य हुनुपर्छ: प्रधानमन्त्री

द्रौपदी मुर्मुले लिइन् भारतको राष्ट्रपतिको सपथ



नयाँदिल्लीः भारतकी नवनिर्वाचित राष्ट्रपति द्रौपदी मुर्मुले आज राष्ट्रपति पदको सपथ लिनु भएको छ । नयाँदिल्लीस्थित संसद भवनमा राष्ट्रपति मुर्मुले सपथ लिनु भएको हो । उहाँलाई भारतका प्रधान न्यायाधीश एनभी रमनले पद तथा गोपनीयताको सपथ गराउनु भएको थियो ।

उहाँ भारतको पहिलो आदिवासी समुदायबाट राष्ट्रपति बन्नु भएको हो । द्रौपदी मुर्मुलाई भारतीय जनता पार्टीले उम्मेदवार बनाएको थियो । उहाँको विपक्षमा वरिष्ट राजनीतिज्ञ यशवन्त सिन्हा उठ्नु भएको थियो ।

राष्ट्रपति पदको सपथ लिनु अघि मुर्मुले राजघाट पुगेर महात्मा गान्धीको समाधिमा पुष्पगुच्छा अर्पण गर्नु भएको थियो । साथै उहाँले निवर्तमान राष्ट्रपति रामनाथ कोविन्दसँग पनि भेटघाट गर्नु भएको थियो ।

संसदको सेन्ट्रल हलमा आयोजित समारोहमा प्रधानमन्त्री नरेन्द्र मोदी, सभामुख, राज्यसभाका अध्यक्ष, उपराष्ट्रपति, मन्त्रीहरु, सांसदहरु, विभिन्न पार्टीका नेताहरु, समाजका गण्यमान्य व्यक्तिहरुको उपस्थिति थियो ।

सपथ लगत्तै मुर्मुले राष्ट्रपति भवन पुगेर पदभार ग्रहण गर्नु भएको थियो ।

सपथका अवसरमा सम्बोधन गर्दै उहाँले आफू सन् १९४५ मा भारत स्वतन्त्र भएपछि जन्मिएर पहिलो राष्ट्रपति बन्न सफल भएको बताउनुभयो । भारत स्वतन्त्र भएको ७५ वर्ष पुगेको अवसरमा आफू राष्ट्रपति हुन पाएकामा आफूलाई गर्वको महशुस गरेको पनि बताउनुभयो ।

Image

Image

Image