काठमाडौँ । गृह मन्त्रालयले त्रिभुवन अन्तर्राष्ट्रिय विमानस्थलको सुरक्षा अवस्थाबारे प्रतिवेदन पेश गर्न अध्यागमन विभागका महानिर्देशकको संयोजकत्वमान नौ सदस्यीय छानविन समिति गठन गरेको छ ।
यही फागुन ९ गते विमानस्थलबाट कतारको दोहा उड्न लागेको नेपाल वायुसेवा निगमको विमानमा पासपोर्ट र भिसाबिना नै एक व्यक्ति पुगेको घटना विमानस्थलको सुरक्षाको दृष्टिले अति नै संवेदनशील भएको मन्त्रालयले एक विज्ञप्ति जारी गरी बताएको छ ।
मन्त्रालयले विमानस्थलको सुरक्षा अवस्था, विभिन्न निकायको कार्यविभाजन, कमजोरी र सुधारका उपायबारे प्रतिवेदन पेस गर्न समिति गठन गरिएको जनाएको छ ।
