काठमाडौँ । राष्ट्रिय प्रजातन्त्र पार्टी (राप्रपा) का अध्यक्ष राजेन्द्र लिङ्देनले ले थप ५३ जना केन्द्रीय सदस्य मनोनित गनुभएको छ । यसअघि पनि केन्द्रीय सदस्य मनोनित गर्दै आउनुभएको अध्यक्ष लिङ्देनले पार्टीको विधानअनुसार थप ५३ केन्द्रीय सदस्य मनोनित गर्नुभएको हो ।
पछिल्लो संख्यासँगै राप्रपामा केन्द्रीय सदस्यको संख्या २४३ पुगेको छ । पार्टीको विधानमा केन्द्रीय सदस्य संख्या २९९ रहने उल्लेख छ ।
राप्रपाको आज बस्ने केन्द्रीय समितिको बैठकअघि नै अध्यक्ष लिङ्देनले मनोनित केन्द्रीय सदस्यहरुलाई शपथ ग्रहण गराउनुभएको छ ।
आज मनोनित भएका केन्द्रीय सदस्यहरुमा रामचन्द्र राय, तोरण गुरुङ, उद्धव पौडेल, चन्द्रबहादुर गुरुङ, दिपक सिंह, जयलाल पुन, प्रेम श्रेष्ठ, राजकुमार पोखरेल, भरतजंग उप्रेती, विनोद भारती, गुणराज राजभण्डारी, ईन्द्रबहादुर खत्री, लक्ष्मी संग्रौला, पर्शुराम तामाङ लगायत ५३ जना रहेका छन् ।
