जनकपुरधाम । जनमत पार्टीका कार्यकर्ताहरुले बुधबार मधेस प्रदेशको भूमि व्यवस्था, कृषि तथा सहकारी मन्त्रालयमा ताला लगाएका छन् ।
जनकपुरमा प्रदर्शन गरेपछि पार्टी कार्यकर्ताहरुले कृषि मन्त्रालयमा तालाबन्दी गरेका हुन् । प्रदर्शनमा उनीहरुले प्रदेश र संघ सरकारविरुद्ध नाराबाजी गर्दै किसानको माग सम्बोधन नगरिएसम्म आन्दोलन जारी रहने बताएका छन् ।
योजनाहरुमा भएको भ्रष्टाचारको छानबिन, कृषकहरुको रकम भुक्तानी र किसान आन्दोलनताका प्रदेश सरकारले बनाएको अध्ययन समितिको प्रतिवेदन सार्वजनिक गर्नुपर्ने माग राख्दै तालाबन्दी गरिएको जनमत पार्टीले बताएको छ ।
