धनगढी । सुदूरपश्चिम प्रदेशमा नेकपा एमालेकी प्रदेशसभा सदस्य माया तामाङ बोहराले नेकपा (एकीकृत समाजवादी) रोजेकी छन् ।
यसअघि एमालेमा संस्थापन पक्ष अर्थात् अध्यक्ष केपी शर्मा ओली पक्षको भनेर चिनिएकी बोहराले सोमबार दिउँसो धनगढीस्थित निर्वाचन आयोगको प्रादेशिक कार्यालयमा पुगेर एकीकृत समाजवादी पार्टीमा सनाखत गरेकी हुन् ।
एमाले र माओवादीको एकतापछि बनेको नेकपा र एमालेको अनौपचारिक विभाजनका बेला उनी अध्यक्ष ओलीको पक्षमा रहँदै आएकी थिइन् ।
यस्तै एमालेका तत्कालीन वरिष्ठ नेता माधव नेपाल पक्षीय १७ जना प्रदेशसभा सदस्यले मुख्यमन्त्री त्रिलोचन भट्टलाई विश्वासको मतको पक्षमा रहँदा उनी भने विपक्षमा थिइन् ।