विराटनगर । मोरङ कारागारमा कोरोनाबाट एक कैदीबन्दीका मृत्यु भएको छ । बिहीबार राति उपचारका क्रममा उनको मृत्यु भएको हो ।
कारागारमा रहेका कैदीबन्दीहरुको एन्टिजेन परीक्षण गर्दा १८ मध्ये १६ जनाको रिपोर्ट पोजिटिभ भेटिएको छ । उनीहरुलाई यसअघि नै दोहोरो खोप लगाइसकिएको जनाइएको छ ।
उनीहरुलाई कोभिड अस्पतालमा सार्ने तयारी भइरहेको बताइएको छ । कारागारमा कोभिड संक्रमण देखा पर्न थालेपछि सबै सीमा नाकामा स्वास्थ्य परीक्षण सुरु गर्न र स्थानीय निकायलाई स्वास्थ्य मापदण्ड अपनाउन जिल्ला प्रशासन कार्यालय मोरङले भनेको छ । साथै कोभिड परीक्षणको प्रक्रिया पनि सुरु गर्न भनिएको छ ।
